Hrefnusteik með couscous-salati og létt soðnu brokkolíi
Við erum miklir aðdáendur hrefnusteikar á þessu heimili og skömmumst okkur ekkert fyrir það 😉 Fyrir nokkrum árum fann ég frábæra uppskrift að hrefnusteik frá krúttbombunni Hrefnu Rós Sætran og ég hef einhvernmegin alltaf notað hana eftir það. If it ain’t broken, don´t fix it!
Hrefnan
100g hrásykur
2 msk þurrkað timjan
2 msk þurrkað oregano
1 msk engiferduft
400g hrefnukjöt (4 steikur)
Aðferð:
Setjið allt hráefnið í matvinnsluvél og maukið þar til það verður að dufti.
Skerið síðan kjötið í ca 1cm þykkar steikur og veltið hrefnunni upp úr duftinu og grillið í 3 mín á hvorri hlið og hvílið svo kjötið í smá stund.
Couscous – salat
Sjóðið couscous-ið og leyfið því að kólna örlítið. Takið rauða papriku og sneiðið smátt. Opnið kjúklingabaunadósina. Opnið fetaostinn. Ef þið eigið rauðlauk (sem ég átti ekki), skerið þá ca 1/5 af rauðlauk mjög smátt. Húrrið öllu saman og ef þið eruð með fetaost í olíu þá má setja örlítið af olíunni út í. Hrærið vel saman
Nautnaseggir 
Bakvísun: Fylltar kjúklingabringur með mangójógúrtsósu | Nautnaseggirnir