Jógúrt íspinnar

Það er alltaf ljúft að skella einum íspinna í andlitið á sér. Hér eru uppskriftir af íspinnum sem eru aðeins hollari en sykurleðjan sem er oftast í boði úti í búð.

This slideshow requires JavaScript.

Kókos íspinnar

100-200gr grísk jógúrt

250 ml Froosh smoothie með ananas og kókos (1 flaska)

200 ml kókosmjólk

150 ml matreiðslurjómi

2 tsk hunang

Öllu blandað saman í matvinnsluvél/blandara eða maukað saman með töfrasprota. Jukkinu er síðan hellt í íspinnamót og sett í frystir yfir nótt.

Mangó íspinnar

100-200 gr grísk jógúrt

1 dós mangó jógúrt (frá Bio bú)

250 ml Froosh smoothie með mangó (1 flaska)

150 ml matreiðslurjómi

2 tsk hunang

Sama aðferð og áður, allt blandað í drasl og skúbbað í íspinnaform og inn í frystir.

Það er ágætt að prófa sig áfram með hlutföllin, gríska jógúrtin gefur súrara bragð en það er hægt að vega upp á móti því með t.d. mangó- eða kókos jógúrti. Um að gera að prófa sig líka áfram með aðrar bragðtegundir eða jafn vel prófa að mauka ferska ávexti saman við.