Fylltar sætar kartöflur

Ég ákvað að vera gikkur í kvöldmatnum og neita að borða hakk og spagettí.  Gramsaði í ísskápnum og fann þar sæta kartöflu og fannst sniðugt að skella í fyllta sæta kartöflu. Þetta er engin fancy matur en er fínt sem matur fyrir einn, væri líka örugglega gott sem meðlæti. Þetta er ekkert háheilagt blanda á fyllingu og má bara nota það sem passar með og er til í ísskápnum.

• 1 Sæt kartafla
• Nýrnabaunir
• Maís
• Sýrður rjómi
• Ostur
• Salt, pipar og annað krydd.

1. Skellið sætu kartöflunni inn í ofn þangað til hún er bökuð í gegn. Ég skar mína í tvennt til að flýta fyrir.
2. Skafið kartöfluna innan úr hýðinu og skellið í skál. Bætið þar fyllingunni saman við. Ég setti maís, nýrnabaunir, sýrðan rjóma og handfylli af osti.
3. Kryddið eftir smekk.
4. Setjið fyllinguna inn í hýðið, stráið ost yfir og aftur inn í ofn.
5. Inn í ofn þangað til að osturinn er bráðnaður og gulbrúnn.
6. Apply to face!

This slideshow requires JavaScript.