Ofnbakaður lax með wasabi baunum, salati og mangosósu

Við fengum gesti í mat í kvöld, ætluðum að gefa þeim ofnbakaðan lax með mango chutney. En þegar eldamennskan byrjaði þá tókum við eftir að það var ekki til nóg af mango chutney til að smyrja á laxinn, svo að við þurftum að finna eitthvað annað. Ég mundi þá eftir uppskrift sem ég hafði séð á Pinterest og lengi langað að prófa.

• Púðursykur
• 2 hvítlauksrif
• Sojasósa
• Smjör
• Lax

1. Magnið í uppskriftinni fer eftir hvað þarf mikið til að smyrja á laxinn. Ég setti 4-5 msk af púðursykri, 1 msk af bráðnuðu smjöri, 2 hvítlauksrif og góðan slurk af sojasósu.
2. Þessu er hrært saman og smakkað til.
3. Gluðið yfir laxinn og inn í ofn við 200°c í ca 12-15 mínútur (fer eftir laxabitanum, fylgist með).

Með þessu höfðum við ferskt salat, wasabi baunir (grænar baunir húðaðar með wasabi kryddi, þær fara mjög vel með fiski og fást í flestum matvöruverslunum) og mangojógúrtsósu.

Þetta var þvílíkt gott og verður pottþétt gert aftur!

This slideshow requires JavaScript.