Kúrbíts franskar

Eftir að hafa vafrað slatta á uppskriftarsíðum í gær þá fann ég slatta af uppskriftum sem innihalda kúrbít og eggaldin og langaði að nota meiri í eldamennskunni okkar.

Kúrbíts franskarnar var alls ekki mikið mál en var svolítið föndur.

• 2 Kúrbítar
• 3 egg
• Ritz kex (uppskriftin sagði rasp en ég átti ekki svona)
• Hveiti
• Krydd (Salt, pipar, hvítlaukskrydd)

1. Skerið kúrbítinn langsum og síðan í tvennt. Eftir það þá sker ég í báta ca.
2. Setið hveiti á disk og kryddið með salt, pipar og hvítlaukskrydd.
3. Í aðra skál brjótið eggin og þeytið saman.
4. Myljið kexið mjög smátt í þriðju skálina.
5. Veltið kúrbítnum upp úr hveitinu, svo eggi og svo kexinu.
6. Setjið á plötu og inn í ofn við 220°c í 20-25 mínútur eða þangað til gulbrúnt.

Get ekki sagt að allir karlmennirnir á heimilinu hafi misst sig í spenningnum þegar ég sagði þeim að það væru kúrbítsfranskar sem meðlæti en eftir að unglingurinn smakkaði og sagði „namm“ þá stukku allir á þetta. Ég held að það væri rosalega gott að blanda saman parmesan saman við kexblönduna.

This slideshow requires JavaScript.