Flatbrauð og hummus

Núna er ég komin í sumarfrí og þá er ég að fá útrás fyrir uppsafnaðri eldunar- og bökunarþörf. Í dag ákvað ég að kvöldmaturinn ætti að vera grýta og flatbrauð með hummus, dear lord hvað þetta var mikið nammi!

Flatbrauð

• 500 gr hveiti
• 500 gr hreint jógúrt
• 2 msk lyftiduft
• 1 tsk salt
• 4 hvítlauksrif (má sleppa)

1. Það er auðveldast að gera þetta í matvinnsluvél en er alveg hægt að gera í höndunum. Ég notaði matvinnsluvél, skellti þessu bara öllum efnum í skálina og setti af stað.
2. Hellið úr skálinni á hreint borð og hnoðið saman þangað til er komin flott deig. Bætið hveiti við ef deigið er of blautt.
3. Skiptið deiginu í 12 parta.
4. Fletjið hvern part út eins þunnt og mögulegt er.
5. Steikið brauðið á steikarpönnu við háan hita. Það þarf bara smástund á hverri hlið, bara þangað til það er farið að dökkna örlítið.
6. Þetta brauð er rosalega gott með pestó, hummus og svo líka bara smjöri.

Hummus

• 1 dós kjúklingabaunir
• 2 msk tahini
• 1.5 msk sítrónusafi
• 1-2 hvítlauksrif, rifin
• 1-2 msk olívuolía
• 0.25 tsk cumin (ekki kúmen)
• Krydd eftir smekk (ég notaði salt, pipar og ÖRlitla basilíku)
• Vatn

1. Skellið öllu saman í matvinnsluvél (líka hægt að nota töfrasprota) og maukið þangað til allir kekkir eru horfnir.
2. Bætið við vatni til að finna út réttu þykktina.
3. Gluðið á flatbrauðið and apply to face!

This slideshow requires JavaScript.