Avacadohummus

Planið í dag var að elda og blogga um tælenskan rétt sem Maddi hefur verið að fínpússa en suma daga þá rekst maður á eitthvað á Pinterest og bara VERÐUR að prófa það. Það gerðist þegar ég rakst á uppskrift að Avacadohummus og þar sem við vorum komin í furðulegan kvöldmat þá henti ég pigs-in-a-blanket inn í ofn til að hafa með.

Rétturinn er eins og blanda af hummus og guacamole, avacadoið gefur rjómakenndan keim en gerir hummusinn samt léttari en þennan hefðbundna. Þannig að þetta dugar ofan á brauð, ídýfa fyrir tortilla flögur eða grænmeti, í pítubrauð eða smurt á tortilla.

Innihald

• 1 dós kjúklingabaunir
• 2 miðlungsstór avacado. Ég notaði 3 lítil.
• 3-5 msk olívuolía (fer eftir smekk)
• 1 1/2 msk tahini
• 3 msk lime safi
• 1 rif af hvítlauk
• Salt og pipar eftir smekk
• 1/8 tsk cumin

1. Í matvinnusluvél eða töfrasprota blandið saman kjúklingabaunum, olíu, tahini, lime safa og hvítlauk og blandið saman þangað til allt er vel maukað.
2. Takið svo avacado og bætið út í og blandið því saman við þangað til að öll blandan er silkimjúk.
3. Bragðbætið með salt, pipar og cumin.

Þessi uppskrift er það auðveld að ég lét 6 ára dóttur mína gera mestalla vinnuna. Henni fannst þetta svo gott að hún bað mig um að hafa samband við fréttamenn í þeim tilgangi að komast í viðtal og miðla uppskriftinni !

This slideshow requires JavaScript.